由于法律搭审批个要求，阿拉单位通常第一季度呒没条件开展落地工作，搿个3月份也只好等勒办公室里开开电话会。搿几个礼拜被将来新项目个设计搭申请折磨得来要死要活，光搭总部个会议就超过了20个钟头。所幸最后顺利交稿，也算是有惊无险。
3月还用极高个效率，同期做脱两桩事体——抛脱一套房子，再买了一套房子。上旬先搞出售手续，中旬里，日里上班，夜里看房，周末无休。结果，3月份个31天之内，搞定了卖房子个合同、借款提前还贷、收款、过户。看了十几套房子，有满意个，直接约到中介谈判、签合同、转款。极为爽气。
两趟网签皆是3月以内，基本就是极限辰光了。算上差价，掏空了屋里厢所有个皮夹子，总算帮爷娘弄了一套市区个电梯房。
新闻里厢讲，今年3月上海二手房成交数量同比上涨8%，一进一出，我贡献了2个点。